MKURUGENZI WA CLOUDS MEDIA GROUP AFUNGUKA KUHUSU KAULI ZILIZOTOLEWA NA MKUU WA MKOA WA DAR ES SALAAM LEO HII

Mkurugenzi na mzalishaji wa vipindi wa Clouds Media Group, Ruge Mutahaba, ameijibu kauli iliyotolewa na Mkuu wa mkoa wa Dar Dar es salaam, Paul Makonda ya kuwa yeye ni muongo, na anafaa tu kuwa muandishi wa mashairi na nyimbo za mapenzi na ngonjera.

Ruge ametoa kauli hiyo leo katika kipindi cha Clouds 360 kinachorushwa na kituo hicho, ambapo walikuwa na kipindi cha ‘SHUKRANI’ kwa wasikilizaji wao na watu waliowahi kuwasaidia kupata misaada.

“Kila mtu ana mtazamo wake, na huwezi kulazimisha mtazamo wa mtu ubadilike. Inasikitisha sana kuona mtu anayesambaza haya mambo ni bosi wangu, Bosi wa mkoa wetu. Yeye akipiga mhuri kitu ndio imekaa hiyo, Yeye ana nguvu zote,” amesema Ruge.

“Sasa akisema hivyo mimi ni tapeli anataka kila mtu Dar es Salaam anione hivyo. Mimi sina nguvu kwa hiyo nachagua kubaki kwenye ninacho kiamini. Tangu mwanzo nilisema mimi nataka haya mambo yaishe, cha kusikitisha huyu mtu ni kiongozi lakini anashindwa kumaliza jambo hili kwa busara na anataka kuliendeleza.

“Kuna mambo hapa yanajaribu kutengenezwa. Watu wanajaribu kutusukuma turudi kwenye mjadala ambao tulishaumaliza. Mimi ni mtu mzima , na busara inaniambia watu wazima hatuna haja ya kurudi kwenye majibizano ambayo kwangu yaliisha siku nyingi “alieleza Ruge.

#KunaMtuAnasemaRugeMuongo . . " Kila mtu ana mtazamo wake, na huwezi kulazimisha mtazamo wa mtu ubadilike. Inasikitisha sana kuona mtu anayesambaza haya mambo ni BOSI WANGU. BOSI WETU WA MKOA. Yeye akipiga mhuri kitu ndio imekaa hiyo. Yeye ana nguvu zote, sasa akisema hivyo mimi ni tapeli anataka kila mtu Dar es Salaam anione hivyo. Mimi sina nguvu kwa hiyo nachagua kubaki kwenye ninachokiamini........Tangu mwanzo nilisema mimi NATAKA HAYA MAMBO YAISHE. Cha kusikitisha huyu mtu ni kiongozi na angetumia busara ndogo tu kulimaliza lakini anashindwa kumaliza jambo hili kwa busara na anataka kuliendeleza. " - #RugeMutahaba . . #Shukrani

A post shared by Clouds Fm (@cloudsfmtz) on May 22, 2017 at 1:29am PDT