Alikiba Aelekea Marekani kwa ziara ya kimuziki

Mkali wa ‘Aje’ Alikiba amekwea pipa kuelekea nchini Marekani kwa ziara yake ya kimuziki katika miji tofauti nchini humo.

Alikiba aliwasili juzi kutokea nchini Afrika Kusini alipokwenda kwa ajili ya ziara ya kimuziki pamoja na kukabidhiwa tuzo yake aliyoshinda ya MTV EMA baada ya kuwashinda Wizkid na Black Coffee.

Mdogo wa mwanamuziki huyo Abdulkiba amesema kuwa Alikiba alikuja nchini kwa ajili ya kuleta tuzo hiyo na kuondoka nchini kuelekea Marekani.

Abdulkiba amesema kuwa ratiba ya mwanamuziki huyo kwasasa ipo tiati sana katika kufanya maonyesho ya kimataifa na wakirejea watafanya kazi hapa nchini pamoja na nje ya nchi.