TAARIFA KUTOKA BUKOBA:ZAIDI YA WATU 70 WAOKOLEWA LEO KUTOKANA NA MAFURIKO YALIYOTOKANA NA MVUA KUBWA.

Zaidi ya watu 70 wameokolewa na Serikali baada ya kukumbwa na mafuriko yaliyotokana na mvua iliyoanza kunyesha kuanzia saa 9 usiku.

Kauli hiyo ilitolewa na mkuu wa wilaya ya Bukoba Deodatus Kinawilo wakati alipo hojiwa na waandishi wa habari katika Kata ya Bakoba mtaa wa nyakanyasi.

Kinawilo alisema kuwa nyumba zote zilizoko kandokando ya mto kanoni zote zimeathiriwa na maji kiasi kwamba imetumika mitumbwi ya uvuvi kuvusha watu.

“Niseme tu mpaka sasa hakuna kifo chochote kile Zaidi ya vitu kuharibika kwa kulowa maji”alisema Kinawilo

Aidha mkuu wawilaya alisema kuwa kuwa wananchi wachukue tahadhari pindi mvua zinapo nyesha tu watoke nje ya nyumba kwa usalama Zaidi.

Naye Josefati Bonge mkazi wa Omukigusha alisema kuwa katika nyumba yake hakuna kilichobakia kikiwa kizima kwani ametoka yeye kama alivyo na anamshukuru Mungu familia yake haikuwepo.

“Kiukweli kuna kila sababu ya kuhama maeneo kama haya maana nihatari kwa binadamu mfano’ waliokuwa wamelala fofofo wanahali gani hivyo kunatakiwa kuchua hatua mapema ili kuhamia sehemu stahiki”alisema Bonge

Anitha Mziba mkazi wa Nyakanyasi alisema kuwa yeye katika familia yake hakuna alieumia Zaidi ya vitu vyote vya ndani hakuna kilichotoka.

“Yani nimewabeba watoto wangu begani mmoja baada ya mwingine wakati huo mimi maji yakiwa yamenifikia kwenye shingo kwakweli nihatari”alisema Mziba