SHIRIKA LA UTANGAZAJI TANZANIA 'TBC' LATARAJIWA KUAJIRI WAFANYAKAZI WALEMAVU.

Mkurugenzi Mkuu wa Shirika la Utangazaji Tanzania Dkt Ayub Rioba

Shirika la Utangazaji Tanzania TBC limesema lipo katika hatua za kuajiri wafanyakazi wenye ulemavu pamoja na wakalimani ili kuhakikisha wananchi wenye matatizo ya ulemavu wanapata habari kiurahisi.

Akizungumza katika ziara ya  kamati ya maendeleo ya wanawake habari na utalii ya baraza la waakilishi Zanzibar  katika shirika la utangazaji Tanzania Mkurugenzi Mkuu wa Shirika hilo Dkt Ayub  Rioba amesema kuna umuhimu wa kuwaajiri walemavu ili kuhakikisha  nao wanapata taarifa kwa uhakika zaidi.

 Aidha kwa upande wake Mwenyekiti wa Kamati ya Maendeleo ya Wanawake Habari na Utalii ya Baraza la Waakilishi Zanzibar Ali Suleiman Ali Shihata  ameiomba TBC  kubadilishana watangazaji kwa muda ili kupata uzoefu zaidi  na kukuza mahusiano yaliyopo kati ya TBC na ZBC.