BREAKING NEWS:POLISI SABA WASHAMBULIWA NA KUPOTEZA MAISHA MKOANI PWANI.

Taarifa za kusikitisha zilizopo ni kwamba askari saba wa kikosi cha kutuliza ghasia (FFU) wameuawa kwa kushambuliwa na jambazi mkoani Pwani.

Tukio hilo limetokea usiku wa leo majira ya saa 2 na nusu hivi eneo la Bungu mkoani Pwani. Taarifa za awali zinadai kwamba  askari hao walishambuliwa kipindi wanatoka kazini ambapo mshambuliaji huyo alikuwa amejificha porini karibu na barabara. Gari la polisi lililobeba askari hao lilipomkaribia mshambuliaji inadaiwa kwamba mshambuliaji huyo alimfyatulia risasi dreva wa polisi na kumuua ndipo gari likapoteza muelekeo na kuanguka.

Askari hao walijaribu kujinasua kwenye ajali ya gari na wakati huo gaidi huyo akiendelea kuwamiminia risasi na ndipo alipotimiza azma yake huku akiwa kapoteza maisha ya askari saba.

Miongoni mwa waliofariki ni pamoja na Mkaguzi msaidizi wa polisi ndugu Peter Kigugu,Koplo Francis,Konstebo Jackson,Konstebo Siwale na dreva wa gari hilo ndugu Harun Shaban.

MWENYEZI MUNGU AZILAZE ROHO ZA MAREHEMU MAHALA PEMA PEPONI AMINA.