SHABIKI WA SOKA ALIAMSHA DUDE BAADA YA KUMKUMBATIA ROONEY WAKATI MECHI IKIENDELEA
Shabiki wa soka aliyefahamika kwa jina la Hassan alimaarufu Hans Jr ametolewa uwanjani akiwa chini ya ulinzi wa askari polisi baada ya kumkumbatia Rooney kwa nguvu huku mechi ikiendelea kati ya FC Gormahia na Everton Fc.
Kimbwanga hicho kimetokea leo katika uwanja wa taifa jijini Dar es Salaam katika kipindi cha kwanza cha mechi baina ya Everton na Gormahia ambapo shabiki alitokea nje ya uwanja na kumkumbatia Rooney kwa nguvu.
Taarifa zinadai kwamba Hans Jr aliomba kupiga picha na mchezaji huyo kabla lakini alikataliwa ndipo akaamua kutimiza lengo lake kwa kutumia mbinu ya namna hiyo.
"Nipo taifa hapa uwanjani angalieni kwenye tv mkiona mtu ameingia katikati ya uwanja na kumkumbatia Rooney mjue ni mimi ndo najiandaa hapa. Maana kupiga naye picha kwa hiari wamegoma sasa nataka wanipige picha pamoja na mitama ya askari" huo ni ujumbe wa mtandao wa whatsapp ambao Hans Jr alimtumia rafiki yake kuonesha kwamba alidhamiria kutimiza haja yake.
